ألف سلامة عليك يا حبيبي

شوفتك كدا والله وضحكت اعمل ايه .. حسيت انك عايزة تعملي كدا بالظبط.

طبعا الكوميك مشهور وبيتركب عليه حاجات كتير زي ما انتي شايفة وينفع تماما للموقف دا لما الواحد يبقى واخد ع خاطره أوي من حد وفي نفس الوقت مش هاين عليه .. يبقى مش طايقه بس بيعمل الواجب ويقوله ألف سلامة أو ع حسب هو ف ايه أو معاه ايه وهو مغلول منه أصلا وبيحاول يتمالك نفسه بالعافية.

 

وفي حالتنا احنا .. الموضوع بشكل ما بقى دا سكته انتي تيجي زي ما بتيجي وانا اكتبلك ونقعد ندن في مالطا كلنا.

الموضوع وان كان بيميل للهزار أكتر في الفترة دي فاللي بيخلي للهزار دا معنى هي أهميتنا نفسها عند بعض يعني لو ملناش معزة ودلال عند بعض هيبقى عند مين ولا لمين .. يعني لو دا عبث خالص برضه هيفضل ليه معنى عندنا عشان كدا الهزار بيجيب زعل ويراكم محبة.

انا عارف ان الوضع مش مستحمل بس انا ليا نفس اهزر عشان مش ناقصة غم وانا مش بحب الغم بس هو دا وشي والله طول الوقت اعمله ايه يعني.

انتي مش بتهزري؟ يبقى تستحملي الهزار ومتزعليش .. اكن انا اضحي بكرسي الشمس بتاع يوم الجمعة عشان انتي متجيش.

وانا مش زعلان على فكرة ولا بتلكك عادي .. هو ولا يوم من أيامك يعني وكويس انها جت ع قد كرسي الشمس ومكنش فيه مواعيد تانية

والمفروض انا اللي اجيلك وكل حاجة بس انا وانتي عارفين اللي فيها وبعدين ما انتي بتيجي عادي يا سلمى اشمعنا المرة دي يعني ولا عشان انا قولت؟

وبعدين انا عايز اشوفك فعلا انا بقيت اتلغبط في شكلك يمكن قابلتك قبل كدا سبع مرات في وقت واحد.

 

الوضع اتعقد بما فيه الكفاية ويعني انا فرصي ضايعة اصلا من قبل ما تبدأ .. لازم في كل مرة ابذل مجهود خرافي عشان اعمل حاجة عادية عند كل الناس

ودا في كل حاجة ومن زمان بس موجعنيش وحسيت بيه أوي غير لما انتي دخلتي ع الخط عشان الموضوع دا يمسك قبل ما يمسني

وعادي أنا من امتى مشيت حياتي في خط أو كانت معروفة وواضحة أو عادية .. دا بيجيب دا لو مكنتش كدا مكنتش ع الناحية التانية هقدر اشوف الحاجات دي زي منا بشوفها واكتشفها واكتب عنها.

 

وانتي عمالة تموتيني في نفسك عشان خايفة من الفراق أو لما تزهقي وتمشي متحسيش بأعجوبة

ونفتعل مشاكل ساعات من الهوا عشان خاطر بس يبقالنا فرصة نتصالح عليها ونرجع لما نحس ان احنا بعدنا مع اني بقولك دايما اني مش ببعد ولو حصل ايه بيننا فهو بيننا .. بس حطي الأول تحت بيننا دي مليون خط.

ومش كل مين جنبك فاهم أو رايد الخير والخير دا مش بالضرورة يكون انا .. وكلامي في العموم العالم مش بيدور حواليا يعني.

 

هو فيه ايه بالظبط؟ انا بقيت حاسس ان احنا متجوزين وانا مغضبك مثلا مش مسألة هيا عشان كل واحد يسيب اللي ف ايده ويركز معانا؟ دا احنا لسه معملناش حاجة يعني

وبعدين مش فاهم هو انا هرتبط بيهم هما؟

احنا بعد كدا أي حاجة مش عاجبة زي ما هو حاصل نعرضها على المجلس الأول وهما بقى يقولوا لنا ايه اللي ينفع.

 

انا اصلا ايه اللي يخليني اكتب لك هنا بدال أي حاجة تانية؟ لأن مفيش حاجة تانية إنما المفروض الكلام دا يكون ليكي لوحدك وانتي المعنية بالموضوع كله مش حد تاني

وفيه كلام تاني مفروض يبقى بيني وبينك بس ميطلعش لحد تاني بس اعمل ايه مفيش وسيلة تانية غير ان دا الجانب بتاعي اللي هيفضل قصادهم وقصاد نفسي عشان الحقيقة متهربش مع ان الواحد برضه بيحاول يمسك نفسه في الكلام ع قد ما يقدر بس اللي ناسي نفكره.

وكل دا مش هيخلص برضه غير لما نقعد ونتكلم عشان فيه حاجات كتير متلتلة ولازم تتلم .. عندي بقى عندك مش هتفرق وانا بقول عندي أحسن.

قولت لك تعالي وكل حاجة هتتحل لازمته ايه بقى الكلام الكتير اللي ف الفاضي دا .. اكن انا افضل ملطوع ف البيت واضحي بكرسي الشمس بتاع يوم الجمعة عشان انتي متجيش؟
خليكي هزري كدا وضيعي مستقبلنا انتي هتجيبيها البر انتي 😂

تعليقات

إرسال تعليق

المشاركات الشائعة من هذه المدونة

اختفى الرجل الكلاسيك وسيارته

  ’’خردة فى عيون الكنز‘‘ ’’اردت أن تعرف الكلاسيك .. اركب معي فى جولة‘‘ لم يكد يمر أي وقت، بعد أن وصلت إلى مكان الانطلاق، حتى دق الناقوس، حدث ذلك فى نوفمبر من العام ٢٠٢٠، حين بدأت مصر فى تسجيل أولى حالات كورونا، الثانية والثالثة، ثم بدأت التقارير. لم نكن نعلم أنها البداية لتحرير جهات أخرى، بانتظام طوال شهور العام، العمل على إحصائيات أخرى، الوفيات، البطالة، وغيرها الكثير من الرسوم البيانية، التي أخذت المنحنى من الأسفل إلى الأعلى، حدود القتل الملل. كان ذلك أيضا حيث التحقت بجريدة الشروق، والقبول بالتدريب لفترة من الوقت قد تطول، بعد إيضاح الأمور، واجتياز المقابلة. تسلمت العمل فى قسم المحتوى الذي نشأ حديثا فى الجريدة، نشرت تقريري الأول مجازا بلغة نشره، فقد كانت هناك تقارير أخرى ستظل تصلح لأن تكون مادة جيدة، لكنها ستشكل أفضل بحيث تكتسب الطريقة، أو النهج المتبع كما يخبرني، كان من المفترض أن يتسلم مني كل يوم، على الأقل، ثلاث تقارير عبر الإيميل، لم أكن منتظم الحضور، ولم يقرر ما إذا كانت مقبولة للنشر، أو مرفوضة خلال أسبوعي عمل بعد تاريخ إدخالها، وإذ يسجل إعجابه بما جاء فيها، لكنه فى الوقت نفس...
قراءة المزيد
صورة
طيب طالما محدش عايز يتكلم ودا انا عارفه من الأول وعامل حسابه مش جديد عليا لأني زي ما قلت قبل كدا لو كان فيه حد عليه القيمة كان واجهني وش لوش وعارف ان انتوا أجبن وأتفه من المواجهة وكل اللي تقدروا عليه هو اللي بتعملوه دا وعارف والله ان محدش عنده استعداد يحرق نفسه وإلا مكانش كل دا حصل محدش فيكوا هياخد خطوة أبعد من نفسه في أي حاجة بس عاملين مصلحين وعايزين تحلوا قدام الناس طيب اقول انا اللي عندي والباقي دا كدا كدا ميلزمنيش بس يهمني معرفته عادي انا عارف برضه ان انتي تعبتي وعملتي كل حاجة بحب وإخلاص ومودة حقيقية وظهرتي في الشدة أكتر من الفرح  والحزن شوفت حاجات كتيرة حلوة في وسط كل دا وشوفت ناس قلبها فعلا على الحوار وناس تانية عايزة بس تلقح زي النسوان وتصطاد في المية العكرة ونسوان مش فاهم حقيقي ايه اللي هما بيعملوه دا وناس تانية فاضية مفيش قدامها غير اللت والعجن وناس جاية تتبسط وتتفرج وناس جاية تقف وتتفرج وناس ملهاش دعوة بس هيبقى ليها دعوة وانتي خلاص خدتي حقك تالت ومتلت أظن يعني شبعتي وانا بقيت زي اللعبة اهو وعوضتي كل اللي فاتك أو كان قبل كدا أيا كان هو ايه سواء في انتظار ...
قراءة المزيد

نفس العيون اللي جذبتني هي عيوني

صورة
  صفحة العنوان         نفس العيون اللي جذبتني هي عيوني                                     تاريخ المسودة       حقائق عن المسلسل   عنوان العمل: نفس العيون اللي جذبتني هي عيوني النوع الأدبي:   خيال النوع الأدبي الثانوي: فانتازيا رومانسي - أكشن موجز العمل: ازاي تخلي الصور تكلم بعض؟ عدد حلقات المسلسل: 8 مدة الحلقة: 45 دقيقة - ساعة                                                               موجز المسلسل ازاي تخلي الصور تكون بعض؟ نظرة عامة   تختفي أميرة تظهر قصة تختفي قصة تظهر أميرة   الموضوع بدأ من هنا بصورة مألوفة (في الجورنال) عجبتني...
قراءة المزيد