نفس العيون اللي جذبتني هي عيوني

 

صفحة العنوان

 

 

 

 

نفس العيون اللي جذبتني هي عيوني

 

 

 

 

 

 

 

 

 

 

 

 

 

 

 

 

 

 

تاريخ المسودة

 

 

 

حقائق عن المسلسل

 

عنوان العمل: نفس العيون اللي جذبتني هي عيوني

النوع الأدبي:  خيال
النوع الأدبي الثانوي: فانتازيا رومانسي - أكشن

موجز العمل: ازاي تخلي الصور تكلم بعض؟

عدد حلقات المسلسل: 8

مدة الحلقة: 45 دقيقة - ساعة

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

موجز المسلسل

ازاي تخلي الصور تكون بعض؟

نظرة عامة

 

تختفي أميرة

تظهر قصة

تختفي قصة

تظهر أميرة

 

الموضوع بدأ من هنا

بصورة مألوفة (في الجورنال)

عجبتني قعدت اتأمل فيها

خدتها وعرضتها على الشباك بطوله وعرضه

في الشمس

ضهر الشيش

ظهر لي حاجة تانية أشف من صورة الشمس

كانت أميرة وكان باين عليها الذعر

اتكونت القصة واشتبكت مع قصص تانية أعقد

كنت عاوز احكيها

ونظرية كانت كل يوم عن الأول

بتثبت أكتر في دماغي

وان الناس تقريبا بتعيش الحياة اكتر من مرة

وان انجذابنا لشخص معين ممكن يكون دليل تاني

وان البشر واحدة لو بصينا

 

مقدمة كان لا بد منها

ودلوقتي عرفنا ان الأميرة اختفت

وبدأت رحلة البحث المعهودة كل ما اختفت أميرة

الصراع بين الفارس

وهو فارس بس معمول عمولة

عشان يبحث بس عن الأميرة

بشوية معلومات ينميها

المخترع

اللي عاوز ينتقم وعاوز الأميرة

كانت في مسيرته أشبه بحلم كبير فضل يحلم بيه من وقت صغير لوقت كبير

والأميرة هكذا زهقت من حياتها وغيرها

عملت ايه جديد في حياتها مش خارج من حياة التاج؟

ولا حاجة

قررت تعمل مغامرة

وبعدها تغامر

أهل القرية بعد أول اشتباك مع الفارس

بيعرفوا انه مش انسان رغم شبهه

وانه شيء ممكن يخدع أو يضل

القرية تزين أميرة تانية

وتحقق عودة الفارس

وتعرف أصله وجبروته

لكن الفارس من الأول كشف الخدعة

لما بص في عينها وعرف حاجة

وقف قدامها وهو مش عارف في نفس اللحظة حاجة

المعلومات المخزنة عن الصورة صحيحة

مننين بيدرك ان مش هي الأميرة؟

منين بيستوعب بعد تاني؟

ويقدر طفل يلهمه

هو كمان بيحب الأميرة

ازاي الطفل والشيء

ويحبوا نفس الشيء؟

وتدور المغامرة وتكشف أكتر عن كون في الإنسان

أكبر من تاني؟

 

أول طبقة في الجليد تذوب

آثار العالم المندثر الذي يموت

وهو حي كل يوم

ولا يعرف أن ما يعود

مائت

الورد ذابل

القدر هائل

في لحظة لا نعرف من نحن

ونظل نبحث سنوات ونعمر في الأرض

من نحن في عمرنا القصير

من نحن في عمرنا الضائع

يوجد في شريطي أكثر من جيني

توجد دلائل مرعبة

من يقودك

أنت لا تعيش بكثرة

أنت لا تعيش كل عمرك الراهن

تموت وتعيش في آخرين

من يحمل كل هذا العنق

من يدفن أسفله

من يخبئ هذا الطائر؟

أرقد في ركام طاهر

 

مد يدك

يذهب بك الحلم

وأنت تريد أن تصبح أن تكون جاهز

 

يسري بك

توقفه

لا أظن أن إيقافه

يتعلق بك

 

أميرتك

تلح عليك

فستان وورد

أنت الأزمة

قماش الفستان

سادة

من يتحرك

من يخرج من هذه الغابة؟

من يضيع ليجد شيئا آخر؟

 

كل هذه الحروب

 

أرهق الفارس

مأزق غاني

بلد وبحر هائج

في كواكبك البعيدة

ساكن

نكمل ما تبقى في الأحلام

حياة أخرى لا نعرف عنها

في حياة الناس

كل الناس

 

أنظر في الوجوه

أقتفي أثر الحب والموت

تعقب ظلك وأسره

هل تعي أنك تقبض على ظلال

من يعيش ومن يموت

من يبقى ليقص؟

صور

كل صورة منها على سطح

في أي مرآة نفس الذي ينتظرك

الوحش لن يذهب

حاربه

 

في هذه الطبيعة

قد يحيا أكثر من شيء

قد يضيق الكون متسعا

قد نحيا ولا نموت

الحب أكثر من إثنين

نحن أكثر من حياة وموت

الكون في الكون نفس العين

 

 

 

 

 

 

 

 

 

 

 

 

 

 

 

 

 

 

 

 

 

عالم المسلسل

 

 

قائمة المواقع الرئيسية للمسلسل:

 

1-    مكان يشبه الغابة

2-    مكان يشبه الصحراء

3-    مكان يشبه القرى المنعزلة الغريبة (التفاصيل في الحلقة التانية)

4-    سفينة تشبه الفضائية المحطمة منها على اليابسة

 

 

وصف أجواء هذه المواقع: تدور أجواء المسلسل في عالم خيالي، كابوسي، فانتازي، ملحمي، درامي، سريالي، قوطي.

كيف يضيف العالم إلى القصة والشخصيات:

 

·        المكان كله دائري متصل ببعضه في حلقات، الغابة والصحرا وبيئة القرية.

 

·        المكان طول الوقت بيضيف حاجة للقصة كعامل فعال بيستفيد منه كل اللي موجودين فيه بخيره وشره.

 

·        كأن كل واحد موجود بمكان فهو موجود فيه بس عشان يعمل الحاجة اللي جاي عشانها ويمشي فورا من المكان سواء حاجته دي اتقاطعت خطوطها بشكل مباشر مع القصة أو لأ.

 

·        المكان بالكامل تحت سيطرة قطبين بيدوروا عكس بعض واحد في الجانب الشرير والتاني في الجانب بتاع قصتنا، والاتنين بيحركوا المكان زي القوى الخفية وفيه حاجات غريبة بتحصل نتيجة لوجودهم.

 

 

 

توصيف الشخصيات

 

المتحكم (الراوي): ملامحه صغيرة زي الأطفال، شعره طويل، بنية جسمه ضعيفة.

خلل الشخصية: الكره والعند.

شبح الشخصية: الماضي.
مخاوف الشخصية وطموحها وهواجسها والعالم اللي جاية منه: بنشوف لمحات عن دا في بداية كل حلقة.

 

وكل حلقة بحلم شكل: الخلفية الدرامية للأحداث.

 

ما تحتاجه الشخصية (أهداف خارجية):  الانتقام بس من مين؟

 

علشان كدا أيا كانت النقطة اللي هتنطلق منها هترجع بيك تاني لنفس المشكلة اللي عمرك ما هتعرف تتخلص منها إلا لما تحكيها .. ملقية بظلالها على كل شيء.

 

على لسان البطل: كنت عايز انسى شخصيتي بالكامل بالماضي بتاعها وابدأ من جديد على نضافة ومش عايز افتكر حاجة تاني بس لقيت إن دا صعب لو مكانش مستحيل لأن كل ما تخيلت فكرة أو قصة وفكرت في شخص تاني غيري هو اللي يألفها عادي ويكون عبقري من غير ما يعاني القصة تردلي تاني .. فيه ايه اكتر من صور عشوائية ملهاش علاقة ببعض قدرت تستجيب للتواصل دا جوايا وبرايا وتشكل قصة معقدة مهما عملت لها انحناءات والتواءات برضه مضمونها واحد وبرضه برجع لقصتي انا في النهاية، كأن كل حاجة في الكون متمحورة حواليها.

 

·        كان بيحاول يكتب قصة في البداية تنفع تكون قصة مرسومة أو كوميكس لطيف للأطفال بعد ما عمل فعلا كدا بالصدفة في يوم ممطر لكن شبح الماضي غيم عليه.

·        حاولت اجرد القصة أكتر من مرة بس هي ملتصقة بالنواة الأصلية ودا برضه موضوع وقضية في المسلسل بنتعرض ليه.

 

هدف الشخصية أو الدافع اللي بيحركها طول الوقت: الحاجة إلى الحب والتضحية في سبيله.

 

عيب الشخصية: 

 

·        بيكره التعقيد ولما تتسهل عليه وتجيله لحد عنده يعقدها (لازم يسيب حاجة ناقصة في الكمال).

·        عايز ومش عايز: عايز الحب ومش عايزه .. يهرب بسببه ويحارب عشانه.

 

 

2- البنت الصغيرة اللي بتتكرر في الحلم: بنت عندها يمكن ١٠ سنين وشها مستدير أبيض وعندها حسنة خفيفة أسفل الشفة، لابسة فستان اسود، شديدة الحلم والدهاء.

 

3- الخصم الرئيسي:

 

·        القطب التاني

·        الدكتور الساحر بشكل العلماء التقليدي اللي ممكن يجي في دماغ أي حد لما نيجي نحكي قصة ونقول عالم شرير بيحاول يخترع حاجة.

 

الحلفاء: القطب الأول

 

·        الصرصور الكوني (الرائي): يشاهد الأحلام وله قوى كونية غامضة

·        العفريت: مساعد الصرصور

 

الفارس: البطل التاني

·        وهو نتاج كل حاجة كانت عايزة تعمل تجربة: يعني نقدر ننسب كل حاجة فيه لكذا مصدر من أول برمجته ووسيلته في تلقي المعلومات (الجاكيت) لعقله وذاكرته المختلفة (الخيوط النورانية بواسطة القطب الآخر) لتكوينه (اللي شكله روبوت).

 

·        وشه ووضعه وجسمه وشكله وكل حاجة: كأنه مجوف من الداخل أو صاج مرسوم وملامحه حاده شفافة لا تعكس شيئا غير أنها بريئة.

 

 

 

 

 

 

 

 

 

 

المعالجة

 

في البداية نتعرف على شخصيات غريبة بالكاد يعرفون أنفسهم والعالم الذي وجد فيهم دون مقدمات، وعليهم أن يتعاملوا معه دون تردد مثل الأحلام كأنه عالمهم الحقيقي رغم وعيهم الباطني وإدراكهم أنه ليس كذلك، لكنه حلم طويل تكتمل فيه قصتهم ويجب أن ينتهي كل شيء قبل الذهاب، وأيا يكن أو ما يتعرضون له فيجب عليهم التعامل معه بشكل عادي.

 

مرحلة التجميع أو التحضير

بيلاقي نفسه معاهم فجأة بعد ما يصحى من الحلم كأنه كان عارف انه هينام ويصحى في المكان دا وهي الحياة التانية اللي هيعيش جواها لبعض الوقت في قصة تانية كان شغال عليها بس مكنش لسه خلصها.

 

وفي المكان دا بنلاقي كائن فضائي أو كوني (الصرصار) موجود مع كائن سفلي أو أرضي (العفريت) مع كائن نصف آلي ونصف بشري (الفارس) مع كائن بشري آخر (البطل) في طريقه إلى نفس المصير يجتمعون كلهم داخل مكان يشبه الغواصة المحطمة أو السفينة الفضائية التي لا تخرج أبدا للفضاء.

 

كيف يقضون الوقت معا؟ كيف اجتمعوا؟ وكيف يعودوا؟

هل طردوا من عوالمهم الأصلية؟

كيف تجمعهم مهمة واحدة؟

 

بنلاقي الفارس وهو زي ما بنشوفه نصه آلي ونصه بشري (بسبب هيئته وسلوكه) بعد ما كان قابع لسنين طويلة في السكون بأقل قدر من الطاقة قدر أخيرا يستجيب لنوع معين من القراءات بعد حلم (البطل).

 

وفي المكان بنشوف حاجات مهمة ومعقدة بس محدش عارف يستخدمها علشان كدا بيتلاقوا في نقطة واحدة بين الحلم والخيال.

 

الفكرة من البداية كانت عبارة عن اني اجمع صور عشوائية واعمل منها قصة يعني حاجة كدا زي الكوميكس بس بالعكس يعني في الكوميكس عارفين في الغالب الموضوع بيمشي ازاي انما هنا العكس .. الموضوع مش كدا بالظبط بس انا بحاول اقرب الصورة يعني.

 

بدأت اجمع الصور واحط كل واحد في مهمته لحد ما الصور دي اشتبكت مع بعض وقدرت أخرج منها بخط درامي منفصل متصل يحكي قصته وفي نفس الوقت يكون له علاقة بالموضوع الأساسي أو الحبكة.

 

الحبكة

بيصحى داخل سفينة غامضة محطمة على اليابسة كان شافها قبل كدا في الصور ويبكي وهو بشري لسه قبل ما يتحول ويبقى مصيره من مصير الآلة اللي حركها وحط فيها من روحه عشان تتحول الآلة دي نفسها وتبقى مصيرها من مصيره هو قبل ما يتغير.

 

لكن المتحكم التاني (الطفل) اللي قدر يتصل بالفارس في وقت ما هيقدر يحرره من مصير الآلة دي في الموسم التاني.

 

زي ما كان طفل بيحرك كل حاجة في خياله بأقل القليل ويتنقل من قصة لقصة بكل سلاسة وإتقان في عوالم وفضاءات كتير ساعات بتكون مجردة وذاتية ومخيفة وساعات بتكون مبنية على حاجات بيتفرج عليها وبيحبها زي افلام الكاوبوي والفارس المنقذ والقصص اللي فيها حركة وحودايت كتيرة دي.

 

ودي لعبته المفضلة (اخرج كل أولئك الأشرار وحاربهم).

 

القصة

 

القصة زي ما بدأت من صورة لأميرة يبدو انها لوحدها في الغابة ومتعرفش ان فيه قرية كاملة بتدور عليها وعلى الجانب التاني بيطلع فارس من نفس الغابة دي عشان يعترض طريقهم ويرجع الأميرة بس لمين؟ وازاي؟ والقرية هتستعين بمين عشان تحاربه؟ ومين هينتصر على مين في النهاية؟

 

بيلاقي نفسه تجربة معمولة مخصوص عشان تبيد بس حاجات معينة ولما حاول يخرج عن الدور دا معرفش لأن اللي صنعه ومتحكم فيه وبيوجهه مش مدرك الكينونة بتاعته أوي إلا في شكل نص آلي ونص بشري.

 

من غير ما يفهم هو ليه بيقاتلهم بالشراسة والضراوة دي وبعد ما حطمهم بالكامل بيلاقي نفسه متوجه لمكان في الغابة ودي المهمة التانية اللي متبرمج عليها بشوية تفاصيل متعلمة ومتخزنة على شكل كدا عامل زي البيكسل وهي انه ينقذ الأميرة دي اللي شكلها مطبوع معاه في المعلومات دي إلا انه بيتردد لما بيقرب منها كأنه أدرك حاجة تانية بس ازاي والشخص اللي صانعه متحكم فيه بالكامل؟

 

لما بيلاقي على الشاشات الآلة بتاعته وهي بترفض تكمل أو تاخد أوامر تانية بيخمن ان عنده مشكلة في البرمجة الخاصة بالآلة بتاعته بيبدأ يسحبها في بلورة أشبه بالكهرمان عن طريق الشفط والتصغير وأول ما بيحس ان الآلة رجعت هنا لمكان غرفته بيخرج من حوض كدا زي البانيو متغطي بقميص ابيض صافي فوق الماية وطافي بشكل غريب كأن محدش تحته وهي دي الطريقة تقريبا اللي بيمد بيها روحه للآلة أو دي الطريقة اللي بيسكن بيها النص البشري.

بعد ما بيفحص الآلة مش بيلاقي أي مشكلة تقنية بالعكس كل حاجة كانت في مكانها وجاهزة للوظيفة بتاعتها لكن الشكل المطمئن دا قلقه وخلاه يفكك تاني الآلة ويعيد تركيبها عشان يتأكد ان مفيش حاجة مش شغالة.

بعد كدا بيتحرك تاني للمكان اللي بيفصل بين عالمين ويوصل بين عوالم تانية ويرجع بالآلة لنفس المكان اللي كان واقف عنده ويدور على الأميرة ويلاقيها تاني ويرفض برضه يعمل اي حاجة.

 

مبيبقاش مصدق اللي شايفه لكنه مينفعش ينفصل تاني بالسرعة دي عشان الروح متتمزقش أو تضيع في النسيج الحساس دا.

الآلة بتنطلق من مكانها وتبدأ تتحرك في اتجاه تاني كأنها بتاخد الأوامر من متحكم تاني وفي نفس الوقت بشكل هادي مش مبين دا كأنها حاسة بنوع من الطاعة والاستقلال في نفس الوقت.

وهو في طريقه بيدخل في معركة تانية قاتلة مع ناس تانية مكانش حد عامل حساب ظهورهم لكن بيهزمهم برضه كلهم لدرجة ان محدش منهم بيعيش.

 

بيوصل لمكان فاضي متحرر من كل حاجة إلا من منظر الغروب.

 

بعد كدا بيبدأ يتحرك لمكان فاضي عشان يلاقي الأميرة الحقيقية مش المزيفة اللي كان بيدور عليها بالشكل المطبوع عنده لكن المشكلة الحقيقية انهم كانوا شكل بعض جدا لدرجة تعجز عن التمييز.

 

بعد ما المتحكم الأول بيشوف دا لسه عرف علطول ان فيه حاجة ناقصة في الخطة بتاعته فاستدعى الآلة وصهر نفسه فيها بالكامل وبقوا زي حتة حديدة واحدة وخلاص مبقاش ينفع يرجع لطبيعته الأولى ولا يقدر ينفك عن الآلة تاني ويرجعها لهيكلها.

 

ويبدأ يتحرك عشان يعرف مين المتحكم التاني؟

المتحكم التاني بيطلع طفل كان بيحرك في خياله قصة لما عرف باختفاء الأميرة من قريته واللي كان بيحبها اوي وقعد يرسمها من التفاصيل اللي كان بيسمعها من الحكايات لحد ما قدر يجمع صورة ليها وعشان يقدر يوصلها كان لازم يفكر في صنع فارس يحرك بيه الأحداث في خياله وللصدفة ان الفارس دا كان على شكل الآلة اللي صنعها المتحكم الأول.

 

الطفل اللي كان بيفكر بس ويحس انه متحكم مش اكتر عشان هو مخلقش حاجة في الحقيقة والتاني اللي خطط ونفذ ولقى روحه في الآخر بتسحبه وتساق لروح تانية.

 

والاتنين الطفل والمتحكم والفارس كمان بيطلعوا من عينة واحدة (زي ما هنتكلم تحت).

 

بنرجع للنهاية ونكتشف ان كل اللي حصل دا محصلش إلا في خيال واحد عن طريق شوية صور قدر يعمل منهم قصة متشعبة بالشكل دا وهي نفس النقطة اللي هتودينا للجزء التاني عشان نعرف اكتر عن طبيعة الفارس والمخترع ومن فيهم اصلا اللي اخترع التاني؟

 

وتدور الأحداث في إطار من الغموض والتشويق عن السلطة والتحرر والحب والجمال.

 

الأفكار اللي اتبنى عليها جزء كبير من القصة:

 

لماذا أحببنا بعضنا؟

أو بعبارة تانية ليه بنحب ناس معينة؟

أو ازاي تخلي الصور تكلم بعض؟

أو هو اللي هيحركهم .. هيتوه الأميرة ويبعت وراها الخير والشر يتخانقوا!

 

كانوا فكرتين أو خلينا نقول مجموعة أفكار متفسخة التئمت في خيالي بالشكل دا.

 

1-    فكرة الطاقة والأرواح وعلاقتهم بالكون الواسع

 

2-    فكرة الشخصيات نفسها بعد الموت وأحيانا المصير المكرر للأبد مع اختلافات الوقت والمكان والظروف

 

3-    كل دول في مجموعهم واحد لكن أكيد بيختلفوا بالنسبة لينا في عيوننا

 

 

باختصار الموضوع هنا بيتكلم عن التشابه الغريب اللي ممكن نلاحظه بين شخصيتين أو اكتر من الناس والقصد هنا على مستوى تاني بيجمع بين النمط الظاهري والتشابه النفسي أو الجوهري ومدى قربهم في المطلق كأن في حاجة زي الجينات بتسري فيهم وهو دا الجوهر اللي بيخليهم شخصيات واحدة (مجازا لوجه التشابه الكبير) مهما تعددت الاختلافات والثقفات والأماكن.

 

هي الفكرة غريبة شوية وممكن متوضحش غير في مساحات خاصة جدا وشخصية جدا من التأمل والتسلية باعتبار الموضوع كله اصلا قايم على ملاحظات.

 

لحد ما بدأت ابني حاجة حاجة مع الوقت وبعدين اتوقف عند ملاحظة في غاية الأهمية لما كنت بكتب قصة ولقيت نفسي بقارن بين شخصيتين من الكارتون والشبه اللي ما بينهم مع ان ملهمش علاقة ببعض على أرض الواقع وهما ماكس من (فيلم ماري وماكس) ومستر روتيلير من (لعبة ازاي تخنق جارك)

 

فأصبح عندنا المعادلة دي: شخصية خيالية ممكن تكون اتبنت على شخصية موجودة في الواقع (روتيلير)  VSشخصية تانية حقيقية كانت موجودة (ماكس).

 

"وصلت ماري أخيرًا إلى حيث يقطن ماكس، بعد أحداث جديدة، كان جالساً على الأريكة ورأسه مسنودة إلى الأعلى، مات ماكس بسلام ذاك الصباح، بعد إنهاء آخر علبة حليب مكثف.. تأملت قليلاً، ولم أفهم هل أبكي على ماكس أم فيليب، أردت استعارة هذه الكلمة من قاموس ماكس، التي تصلح تمامًا لهذا الشعور.. لقد منحه فيليب هوفمان هذه الحياة، بصوته الأكثر دفئًا وحميمية على الإطلاق، لولا أداؤه الصوتي، ما كنت أتقبل غضب ماكس المشروع في إطاره الدرامي، وبعيدًا عن أنها مأساة حقيقية تفطر القلب، يجذب الطابع الكارتوني انتباهي إلى المقارنة بين الحياة التي يعيشها ماكس، والحياة التي يعيشها مستر روتويلر من قبل نظام اللعبة، نفس الروتين اليومي المنشغل بالأعمال المنزلية، نفس الأشياء القابلة للاعتناء، طريقة التحرك، نشاط الأكل المحبب مع مشاهدة التليفزيون، الجسم رخو قابل للزيادة والتمدد عرضًا بوضوح على الكرسي، نفس الغضب والتفاعل مع العالم والأشياء، الصراحة التي يذكر ماكس أنها تضايق الناس، نفسها التي تجعل الجار يفعل ما يحلو له دون أدنى تفكير حول عواقب ذلك على الجار الآخر، أو حتى ملامسة تأثيره، بعد أن تتعرض لنفس المضايقة. كل ذلك يتلاشى مع فيليب، أجلس بحزن، وأشعر بخروج أغنية، يتمتم مات إليوت داخلي مثل صبي يمنعه البكاء من التكلم بكلام مفهوم، من الألبوم المفضل على الإطلاق في الشتاء Drinking song"".

 

لحد هنا ممكن نقدر نكون فكرة عن الموضوع اللي عايز اتكلم فيه هو مش مجرد تشابه أو اي حاجة تحت المسمى دا لكن الموضوع هيكون مثير لو تتبعناه بشكله.

 

يعني انا مثلا لحد دلوقتي مجمع صور كتير لناس شايف ان فيه بينهم روابط أو سمات أو صفات مشتركة بناءا على الفرضية دي وفيه حاجات تانية يصعب تسجيلها على أرض الواقع مع ان دي اكتر حاجة الواحد ممكن يطلع منها بمعلومات ويلاقي فيها اللي بيدور عليه.

وفي ناس تانية قابلت منها نسخ اكتر من نفسها ولما ببقى قاعد معاهم بحس ان والله فيه شخصية منهم ممكن تغني عن التانية بسبب الشبه الجوهري والنفسي دا مش اكتر واللي بينعكس ساعات كتير على النمط الظاهري والملامح ويخليني عايز اعمل اربط بين الاتنين، واقول لفلان انك شبه فلان تعرف دا ولا لأ ومتعرفوش ليه ولو عرفته زي منا عارفه ممكن تعمل ايه؟ وهكذا بقى من الأفكار دي اللي كانت مسيطرة عليا بشكل كبير أثناء كتابة القصة وكان لازم افرد ليها مساحة في المسلسل.

 

 

وهنا وجب التنويه إلى هذه القصيدة لجمع الفكرتين:

 

كيف أحبُّك؟ دعيني أفصّل على أي نحو.

إنني أحبُّك بإمعانٍ، بتسامٍ، بوَرَفٍ رحب

إلى حيث يمكن لروحي التجاوز هائمةً

حتى تحسّ بوجودها وبالأبد.

أحبُّك حتى اللحظة الأعظم سكينة

التي يبلغها كل نهار في نور مصباح

أو في ضياء الشمس.

حُرًّا، مُحقًّا، وصافيًا

كأولئك، الذين عن الشهرة نأووا بعيدًا.

أحبُّك بكاملِ الولع، الذي استنزفته معاناتي

وبعنفوان الطفولة، الذي انزوى،

مذ تخليت عن محبة مقدساتي.

بكل بسمة، بكل دمعة بائسة، وبكل زفرة.

وعندما يعطي الله أمره للأجل،

فإنني سأحبُّكِ، بعد الموت، على نحو أمثل.

 

راينر ماريا ريلكه، 1908

ترجمة آية عبد الحكيم.

 

المسلسل والحلقات

إلى كل أولئك الذين عاشوا بدون قصة حب، أقول لهم يجب أن تتذكروا جيدا.

 

مع أول حلقتين بنعرف ان المكان بيتغير تحت ضغط أو سيطرة القوتين أو القطبين اللي بيحركوا المكان في اتجاه عكسي زي القوى الخفية.

 

بعد كدا بنعرف ان المكان عبارة عن ٣ حلقات أو طبقات دائرية منفصلة عن بعضها (القرية والغابة والصحرا).

 

القطب الأول بقيادة الصرصار الكوني والعفريت

والقطب الثاني بقيادة ثنائي آخر من نفس العالم لكن هيظهروا في الحلقة الرابعة كحلفاء للدكتور الساحر (الخصم).

 

القطب الأول (بقيادة الصرصار والعفريت): اي حاجة ممكن يسخرها  القطب دا أو أي قوى ممكن يمد بيها الدعم للفارس لازم تكون عن طريق وسيط والوسيط دا هو (المتحكم) الوحيد اللي قدر يظهر قدرات خالصة مع الفارس وشبه شديد التفرد بيه لكن القطب بيحاول يعمل دا بحذر عشان المتحكم ميتوحدش مع الفارس ويتقلب زيه وبنشوف دا بيحصل للمتحكم وبيتطور على حسب قدرته وإمكانياته وفهمه للآلة المعقدة (الفارس).

 

مع الحلقة الرابعة في الآخر هيبدأ يظهر (القطب التاني) وزي ما شوفنا تأثيرهم على القرية قبل كدا في معارك الفارس من غير ما نشوفهم هنبدأ نعرف عالم تاني معقد طالع من نفس المكان.

 

لكن المتحكم ميعرفش حاجة عن القطب التاني ولما سأل العفريت ازاي الفارس كان بيشتغل قبل كدا وكان فيه فرصة يجاوبه ويعرفه بالقطب التاني اللي زيهم على الناحية التانية بيسكت ومش بيرد عليه في النقطة دي بالذات وهنعرف من خلال الحلقات هو عمل كدا ليه.

 

للأمانة انا خليت الجزئية دي للموسم التاني خصوصا بعد النهاية الحزينة للموسم الأول مع هزيمة الفارس علشان مصداقية القصة حتى لو كانت خيالية وفيها مساحة كبيرة نقدر نتنقل فيها براحتنا فالبطل أو الفارس هيمر معانا بتطورات كبيرة احنا لسه بنكتشفها معاه (بمعني تاني هي دي الإمكانيات دلوقتي).

 

الأخيرة (السطح والمطر)

 

دا حصل لما كنت على السطح بصور في المطر وقدرت اعمل قصة بسيطة من الكراكيب اللي موجودة عليه، والقصة دي هتظهر معانا في الحلقة الأخيرة كجزء أساسي من الحبكة.

 

جيت بعدها جمعت صور وأدوات منزلية وانا مش في دماغي قصة معينة كنت عايز احكي بس أي حاجة طريفة أو مسلية من منظور الصور نفسها واعيد تجربة (السطح والمطر) لحد ما بلاقي ان الموضوع رايح في سكة معينة مش راضي ينفصل عنها.

 

وقفت عملية الجمع دي وبدأت اشتغل على القصة لأني كل ما بضيف صور وخلاص كنت بعقد الموضوع اكتر وبزود من عناصر بلاقي قدام اني ممكن استغنى عنها، دا غير الحاجات اللي اتفرعت اصلا من الصور الأولانية وملت مكانها بالفعل.

 

آخر مشهد: الروح بتنفصل تاني وانت بتحس بالظبط زي اللي راكب الموت، كأن الروح دي هي اللي اتحركت وبثت الحياة في الصور.

 

إلى كل أولئك الذين عاشوا دون أن تتسنى لهم الفرصة ليحصلوا على الحب الذي تمنوه، أقول لهم لقد حصلتم عليه بالفعل لكنكم لم تعرفوا.

 

 

ليه قررت احكي دلوقتي؟

لأن كل حاجة اتكررت بشكل تاني وفيه حاجات حلت مكان حاجات والقصة الأصلية بتبعد عني كل يوم.

 

*الفورمات الأساسية موجودة بكل مراحل تطورها وفيه أكتر من طريقة لحكاية القصة.

 

 

 

 

 

 

 

 

 

 

 

 

 

 

موجز الحلقة الأولى

بنتعرف على الشخصيات اللي بدورهم بيتعرفوا ع نفسهم والعالم اللي لاقوا نفسهم فيه بدون مقدمات.

 

 

ملخص الحلقة الأولى الطويل

من الحلقة الأولى وبعد الحلم بنعرف ان دا اعالم مش طبيعي بس لازم البطل يتعامل معاه بشكل طبيعي كأنه لسه نايم.

 

الفارس بينطلق في رحلة كاملة وبيوصل لقلب المكان علشان الأميرة وتكليفه بالبحث عنها.

عيب الفارس: 1- محدود بشكل كبير (بلا ذاكرة) والسعة الخاصة به محدودة وكذلك النشاط.

2- مقدام لا يتراجع (عن المهمة أو الموت).
3- وبالتالي مش ممكن نديه معلومات كتير يتحرك على أساسها والمعلومات دي بيتلقاها في شكل خيوط من العفريت عن طريق الجاكيت المميز بتاعه.

4- يعني بجانب برمجته الأساسية ومعلوماته المخزنة وهي الدمار والقتل ممكن تسندله مهمة واحدة وهينفذها زي ما هي بالظبط ودي مشكلة في حد ذاتها .. وهي دي الطريقة اللي اتبرمج عليها (المهمة والإنقاذ والفتك بأي شيء آخر ممكن يقف في طريقه).

 

الأحداث الرئيسية في الحلقة الأولى بالترتيب:

الحلم الصامت والبيت الأرستقراطي والبنت التي تتكرر رؤيتها.

استيقاظ ساحر وعجيب.

اختفاء الأميرة وظهور صورتها فى حانة الكاوبوي علشان تبدأ رحلة البحث.

التعرف على الطاقم الكوني (بقيادة الصرصار والعفريت).

الألوان الأربعة ودلالة كل لون.

الحلم التاني الاضطراري: لاستخلاص صورة الأميرة من أجل تزويد الفارس بها ليعرف عمن سيبحث.

استعداد الفارس وتجهيزه زي ما شرحنا فوق، بعد ما بيستجيب لنوع معين من الإشارات بعد الحلم.

معركة الفارس ومجموعة الكاوبوي (خط الدفاع الأول عن القرية).

التعرف على المكان بحلقاته الـ 3: الغابة والصحرا والقرية.

العودة بالأمل وصورة الأميرة: بعد سقوط الفتى أو المتحكم زي ما بنقول في مجال القطب التاني ورجوعه لنفس المكان بشكل مختلف عن اللي ظهر للفارس (بنشوف القرية كلها مختلفة أو ملعونة).

السقوط في مجال القطب التاني: وظهور الأميرة في الغابة وهي ترفع فستانها قليلا وتتمشى كأنها في المنتزه.

تجهيز الفارس مرة أخرى للعودة لكن هذه المرة لإنقاذ المتحكم (في الحلقة التانية).

 

 

 

 

 

 

 

 

 

 

 

 

 

 

 

 

 

 

ملخصات حلقات الموسم الأول

بداية كل حلقة: تتناول كل حلقة من البداية الخلفية الدرامية للحكاية (قبل التتر) في شكل حلم

 

الحلقة الأولى: الأميرة

 

الحلم الصامت والمكان البروجوازي والجدة المحافظة (درس العشاء - إظهار الشغب وعدم الاحترام - المشادة - القتل والهرب - أرواح الجدة المطاردة - الوصول لبيت آخر - القبض عليهم).

 

2- اختفاء الأميرة: بعد الحلم يستيقظ الفتى وتنبعث إضاءة من الفارس - نعرف أن هناك مشكلة باتت متعلقة بتلك الفتاة -  يرسل المتحكم الفارس إلى القرية للمزيد من الأنباء.

 

3- الاستعداد والبحث من الجانبين: والحصول على صورة للأميرة من خلال أحلام الفتى (المتحكم) حتى يتمكن الفارس من معرفتها.

 

4- يتحرك الفارس عبر الحلقات الثلاث حتى يصل إلى وجهته، حيث يتنقل بالمركبة البرية في الصحراء ومنها إلى الغابة حيث يتركها ويركب دابته ويدخل بها إلى القرية.

 

5- معركة الكاوبوي: المعركة محسومة من البداية لصالح الفارس - رجوع الفارس بصورة الأميرة من البار.

 

6- السقوط في مجال القطب التاني: ويفقد المتحكم الوعي ليجد نفسه في أكثر الأمكنة غرابة.

 

 

الحلقة الثانية: أرهف آلة قتل

 

1- الحلم: البحيرة اللي على مستوى سطح واحد مثل شلالات الفيوم التي تصب فى منحدر منخفض .. المياه فيها من كل الجوانب لا تتعدى القدم.

 

2- رجوع الفارس بصورة الأميرة وتجهيزه مرة تانية للحاق بالفتى (المتحكم) .. هل بدا كل شيء هادئا؟ كل الأشياء تنقلب الآن في القرية وطريقها مثل مكانين مختلفين تماما عن بعضهما.

 

3- نتعرف على رجل الراديو أو المراقبة: ونعرف مخطط الدكتور الساحر لمعركته القادمة (حرب الطيور)

"هذه المخلوقات تشعرك من هيئتها أنها تتغذى على القشريات والأسماك، و جسمها يمتلئ باليود .. و هو فلز أي معدن ..فضلا عن أنها كبيرة الحجم .. و تطير في تشكيل متقارب .. لذلك ظهرت على شاشة الرادار مثل طائرتين هليوكوبتر .. و أما لماذا ظهرت على راداري فقط .. فذلك لأن لكل محطة رادار موجة خاصة .. و حدث نوع من السينكرون بين إشعاع الرادار عندي واجسام هذه الطيور .. فضلا عن إن مكان محطتي كان مثالياً للتغطية على الأهداف القادمة من إتجاه البحر" .

 

 

4- الأحداث الغريبة اللي هيمر بيها المتحكم في الصحرا (الثعبان البرونز) والغابة (النمس) والقرية (المستذئبين ومطلقي الليزر) في ليلة واحدة عكس تماما اللي شافه الفارس في رحلته كأنهم عالمين منفصلين.

 

5-المتحكم بيشوف شبيهة الأميرة في وسط الهلوسة دي كلها وبيحاول يتبعها! والفارس بيلاحظ دخوله ويتتبعه بدوره.

 

6- طريق العودة (في طريقهم للرجوع للسفينة): وتعاقب اليوم بنهاره وليله وأغنية الطريق ومحاولة فتح حوار مع الفارس وانتهاء الحلقة بانتظار ما سيتعرضون له في الصباح.

 

 

الحلقة التالتة: الحصان المهكع

 

1- حلم الحصان القاتل وأتباعه: حصان قاتل بمنشار وخلفه جيش جرار من الهمج يقضون على أي شيء في طريقهم.

 

2- الفارس بيخرج للمرة التالتة والأخيرة لأنه مش هيرجع تاني.

 

3- الفخ: عن طريق شبيهة الأميرة.

 

4- معركة الغول الأسود وحاشيته: سنحاربه في الغابة .. ونرسل إليه جيوش الأشباح السوداء (مغلفين تماما بالدخان الأسود مثل وحشهم الكبير الهائل).

 

5- بعد ما ينفصل عنهم ويصبح لوحده في الغابة مع مهمته الوحيدة المتحكم هيقترح انهم لازم يفكروا في طريقة يكونوا فيها على اتصال مع الفارس.

 

6- بعد ما يطلع من المعركة في الغروب: هنبدأ نتعرف على الفارس بشكل أكبر هل هو حقيقي ولا آلي ولا الاتنين؟ وازاي بعد ما اتحقق من تطابق الصورة عرف بطريقة ما ان مش دي الأميرة؟

 

 

الحلقة الرابعة: (حلقة بصرية)

1- حلم (الطبق الطائر في العش) .. عيال عراة بيضربوا بالكورة الأمريكية على عش شايل شيء مقدس لازم تصيبه عشان تشرب منه.

 

2- عالم الطفل وحلم المتحكم ومراقبة الصرصار الكوني للاتنين: بنتعرف على المتحكم التاني (الطفل) بشكل أكبر ونعرف العوالم بتاعته اللي بيقدر يخلقها ويحافظ عليها زي ما تخيلها ويبني عليها كمان وهو بيضغط على عينه عشان يتولد له عالم من الظلال والألوان.

 

3- ماضي الفارس: بنشوف الفارس جزء جزء منه بيرجع .. جزء بيرجع لحقيقته وجزء تاني بيرجع لماضيه أو بيرد لماضيه.

 

4- الاستسلام التام لتعاقب الأفكار والخيالات: أشكالهم اللي بتقلب أشكال تانية وبتتداخل مع الشخصيات التانية اللي معانا زي الفارس والمتحكم والطفل وزي الأميرة وشبيهة الأميرة وزي الأقطاب الكونية.

 

5- نظرية كل شيء: والحلم الرمزي وظهور القطب الثاني والمكان الذي يدور مثل الرحى بين القطبين.

 

6- الصراع: وكأننا طول الوقت بنصارع الانصاص دي عشان نكون احنا عشان نتخلص حتى من شخصياتنا القديمة عبر الزمن.

 

الحلقة الخامسة: الطيور

 

1- الحلم (كان فيه طيور على دماغي عمالة تنقر بحاول ادخلها القفص من غير ما المسها أو امسكها بإيدي عشان مأذيهاش).

 

2- الفارس يعد نفسه ليكمل طريقه مرة أخرى.

 

3- الاتفاق مع خبير الطيور: ورئيس القبيلة اللي بتمشي تجوب العالم كله وتجمع اي طائر وتروضه لصالحها.

 

4- حرب الطيور الدائرة: آلة الاسطوانات - الطيور المقاتلة بكل أنواعها) وإصابة الفارس.

 

5- تهيئة المتحكم للولوج إلى الفارس (روح واحدة).

 

6- الدعم: وصول النسخة التانية (الجاكيت المقاتل) اللي عملوها للتجربة إلى قلب المعركة لمساندة الفارس.

 

الحلقة السادسة: (how do you live without one)

 

1- الحلم (مشي السحب): وهناك شاف طائر الساحر وهو بيحاول التحليق، مش فى الجو ولا على ارتفاع منخفض لكن على الأرض، كان بيطير زاحف، وجناحاته لامسة الأرض كأنها ممشياه زي المكنسة السحرية (طائر صغير عامل زي النماذج الآلية).

 

2- وصول الثنائي (البدين والنحيف) وظهورهم على بساط الضفدع الساحر: الدكتور الساحر بانتظارهم - استراتجيهتم - النحيف يستعرض مهاراته -  حرب الطيور الدائرة.

 

3- العصافير النباتية الصغيرة: نوع من قش مزيت بينضح في الزيت ويطلع منه يطير .. أما

النحيف بيجربوه على نوع معين من الطيور مش بيطيق حد يلمسه أو يصطاده لأنه بيموت نفسه يعني بينحل من جسمه بداية من الريش لحد عضمه لغاية ما يموت ويبقى رفات (وجبة لحم ع عضم).

النحيف بيقدر يوقفه على آخر لحظة قبل ما يختفي تماما!

 

4- وصول التعزيزات: البنفسجي (طائر ضخم على شكل إنسان) ونسخة الفارس التجريبية (الجاكيت).

 

5- موت الدعم وبقاء الفارس لوحده في الحرب.

 

6- استعداد المتحكم للاتحاد مع الفارس والاندماج معه والقتال بواسطة (سيف الثعبان).

 

 

الحلقة ما قبل الأخيرة: الغصن الأخضر المقطوع

 

1- حلم الحضن القصير (فتاة الحلم): كانت لابسة بلوزة بيضا جميلة .. حسيت بيها وبحضنها وبريحتها وضلوعها ومستني قبل ما انام واغمض عيني.

 

2- الحرب الدائرة مع الطيور: والانتهاء منهم جميعا ثم مواجهة النحيف.

 

3- الموت: بعد هزيمة الفارس هيحاول يهرب من الحلم دا كله بس مش هيعرف هيفضل يخترق طبقات بعد طبقات لكنه وصل لمنطقة أعمق من انه يخرج منها بالبساطة دي.

 

4- الفارس بيوصل بلورة عند المتحكم التاني (الطفل): بيتفكك تماما على ايد النحيف ويحفظ ما تبقى منه في البلورة.

 

5- الانفصال عن الفارس ووداع الأصدقاء: بعد ما بينجح بأعجوبة في الانفصال عن الفارس بيقرر انه مش هيغادر المكان قبل ما يستعيد الفارس تاني.

 

6- تكملة الحلم: كانت واقفة لوحدها في مكان معتم ولاحظت انها شقة مبنية على الطوب الأحمر، قربت منها وحضنتها براحة وهي باصة في الأرض كل دا .. الحلم مكنش مبين وشها ولا اي حاجة تانية باستثناء شعرها اللي كان عامل زي غزل البنات.

 

 

الحلقة الأخيرة (8): ازاي تخلي الصور تكلم بعض؟

 

1- حلم الكاميرا (كان قدامي طائر ومات وانا بحاول اصوره بالكاميرا).

يوضح الحلم علاقة الشخصية الرئيسية بأمه حيث يظهر في الحلم دور امه في حياته وهما بيعزلوا قدام بناية غريبة، وهي انها تحب مساعدته حتى إن لم تكن تفهم بالكامل ماذا يريد، حتى وإن كان ذلك الطريق الذي سيسلكه غير أي شيء آخر أرادته له، لكنها تظهر دعمها وهي منهكة رغم كل شيء وتجلب له الكاميرا كهدية.

 

2- يخلق بيئة لعب مناسبة للانتقام لكي لا يؤذي عقاربه (من يحبهم).

أو ازاي تخلي الصور تكلم بعض؟ وهنا بنشوف تفاصيل الفكرة وازاي اتخلق منها عالم بالسحر دا؟ علشان كدا من النقطة دي شايف ان المسسلسل مناسب لكل الفئات وخصوصا للأشخاص الوحيدين أيا كانت أعمارهم.

 

3- التليفزيون والغسالة (الطفل): الاتنين كانوا شغالين وانا مميل وشايفهم وقاعد بتخيل وبلعب لعبة (اخرج كل أولئك الأشرار وحاربهم) .. بالتزامن مع مشاهد من اليوم العادي وروتينه متقاطعة مع تكوين القصة وظروفها وازاي نشأت من خلال الصور وتجميعها على مراحل لحد ما نوصل للصورة الأخيرة في المشهد والأولى في التكوين (المتحكم).

 

4- كوميك السطح واختراع النار على السطح برضه: النار اللي اخترعتها وانت صغير بشوية حاجات جمعتها في برطمان واكتشفت في الآخر ان فيه سائل مشتعل ضمن الحاجات دي، ودلوقتي وانا على السطح برضه بحرك الأشياء في خيالي.

 

5- قصة (حياة الكارتون): كخلفية للحلقة مع أغاني من ألبوم مات إيليوت (drinking song)  وأغاني تانية لبينك فلويد.

وفي التتابع الأخير هنشوف صورة الأميرة معاه في الجورنال ودي الصورة اللي كانت الشرارة اللي هتحرك الأحداث (لقطة الجرنان في الآخر والأميرة اللي بتصرخ فيه).

6- آخر مشهد (الانفصال): فى الحلم كان الانفصال يأتي يوميا له حيث يشعر بأنه يفارق الحياة.

لما بيروح ينام آخر الليل وأول ما بيغمض عينه بيشوف وبيحس بروحه وهي طالعة منه وبتمشي قدامه بشكل غير مرئي في مكان ضيق وسابح (زي أدنى نقطة في قاع المحيط) ظلام كبير وإحساس مخيف كأنها الروح اللي اتسحبت لبعيد من الأول وراحت للصور عشان تتظل فيها وتلاقي الحياة.

 

 

 

 

مواقع العمل الرئيسية وأماكن الأحداث

 

صاروخ أو سفينة شبه فضائية محطمة على اليابسة

مكان يشبه الغابة

مكان يشبه الصحرا

مربع كله بيوت لازقة في بعض على ارتفاع سور واحد (القرية)

بار أمريكي قديم للكاوبوي

 

 

مواسم مستقبلية

فيه طبعا أفكار لمواسم تانية بس كلها متوقفة على النهاية اللي هنبدأ منها .. يعني هل النهاية هتشهد موت الفارس لوحده ولا معاه المتحكم لأنه مقدرش ينفصل عنه؟

 

عودة الفارس: المتحكم وهو بيحاول يستعيد الفارس تاني بيكون اتحول من غير ما يعرف لنسخة مطابقة من الفارس لكن مصيره هيكون مختلف.

 

فارس آخر: بعد ما يتحول لنفس المصير ويكون هو الفارس ويهزم النحيف بين الضل والنور.

 

مواسم أخرى:

هيقابل حبه الحقيقي اللي حرك كل الأحداث من الحلقة الأولى (فتاة الحلم) وتدور قصة تانية أغرب من الخيال.

مواسم أخرى:

ممكن برضه نرجع لحياة البطل الحقيقية ونعرف اكتر عن المصفوفة وبعدين نرد في موسم تاني للخيال والعوالم بتاعته.

 

مواسم أخرى:

حتى بعد ما يقابل حب حياته بعد الدمار دا كله مش هيعجبه الحال وهيفضل يدور عليها بس في الخيال عشان هو في الحقيقة مش بيحب الواقع بحاله وشخوصه وحيواته، ممكن لأنه بيكره حياة البشر وبيشوف في نفس الوقت انها ملمهة وجميلة، أو يمكن لأنه متطور وعايز يعيش أو يتصل بعالم كوني محدش لسه وصل ليه، أو ممكن حاجات تانية كتير اتراكمت جواه وقت وحدته وأسئلته وحيرته ونداءه.

رسالة

جيتي خدتي كل حاجة بالاستيلاء ع أحلامي وكل حاجة تانية خدت شكلك.

لأن القصة دي كنت بدأت في تأليفها من قبل ما اعرفك يعني أحداثها سابقة للوقت الحالي زي ما اتحركت في دماغي ورسمتها وكملت عليها كل يوم بصورة. 

بس بقول ما يمكن كان دا انتي قبل ما اعرفك وهي دي أصلا الحكاية أو الفكرة اللي بتدور حواليها القصة واحنا لسه هناك في الضلمة بنشوف بعض قبل ما نيجي يمكن كنا كدا في حياة تانية أو دا عالم الأرواح اللي محدش يعرف عنه شيء.

 

انا مش عايز اقول حاجة بعينها أو آخد بكلام مكرر أو اثبت حاجة انا عايز اسيب المجال قدامي واستكشف وهي دي كانت القصة.

 

وكل حاجة تانية كنت شغال عليها اتحولت لك في ثانية غير الحاجات التانية اللي تخصك وبدأت معاكي

ودا خلاني اعدل في القصة شوية مع ان دا كان مستحيل ان اخلي القصة تتأثر بأي حاجة خارجية من الحياة أو الواقع .. وكانت كلها خاضعة تماما لمنطق العالم بتاعها اللي جاي من الصور ومستمد بس من الخيال.

 

عشان اجردها كل شوية من حاجة ومتبقاش شبه أي حاجة اتعملت قبل كدا أو هتتعمل بعد كدا .. كان نفسي اعمل قصة مجردة من الخيال ملهاش شبه والصور بس هي اللي بتقولي عليها وبتكملهالي.

بس انتي لما جيتي وأثناء ما كنت شغال ع تطوير القصة دي لمسلسل مقدرتش غير اني أسند لك كل حاجة فيها.

 

مفيش حاجة تغلى عليكي بس ع الله اقدر انفذ الفكرة دي واطلعها للنور

عشان انتي الوحيدة اللي تستاهلي وانتي الوحيدة وسط الوغش دا كله اللي صادقة ونضيفة حتى وانتي شيطانة.

 

مجال جاذبية كبير بيصطاد الأفكار ويوقعها

الصور أو القصة كانت بتستقطب الأفكار دي عشان احكيها هي هي زي ما بفكر قيها سواء الفرضية اللي كنت بطورها وشغال عليها عشان اثبتها او سواء الأفكار التانية المشابهة وعلاقتها بيها .. وفي الآخر استقر الحال اني اخد الطريق دا بتاع الخيال واعرض الأفكار اللي انا عايزها من خلال الوسيط دا وهو الفن بدل طريق العلم لأني مش هقدر التزم بيه من ناحية واخد المسار الخاص بيه ومن ناحية تانية مش هقدر ع الحقائق الجامدة الخيال اكتر براح والفن وسيط مناسب تماما لدا.

النظرية (الوراثة القريبة والبعيدة)

عشان الناس هما هما بيشبهوا لبعض وبيكرروا كل حاجة وبينجذبوا لنفس الحاجات ولبعض بطرق مختلفة الحاجات اللي بتأثر عليهم ميولهم استجابتهم في مواقف معينة الإيجابيات و السلبيات طريقة تفكيرهم تشابههم في الهوايات والأعمال وطرقهم ف الحياة وقليل ما بينجوا ويقدروا يتخلصوا من كل الأعباء دي .. يعني احنا بنتاثر بعائلتنا واهالينا ومن ناس تانية بعيدة منعرفهمش ويمكن منقابلهمش خالص بس فيه حاجات كتير بيننا مشتركة بتحركنا وبتجمعنا أحيانا لدرجة الشبه .

 

متعرفيش يعني ايه لمس الجمال ومروره بالشكل دا ومتعرفيش يعني ايه الكون يقلع قدامك أسراره وانتي مش عاوزه عشان تفضلي تلاحقي السر دا بجماله.

انتي متعرفيش متعة يعني ايه خلق من العدم .. تبقي مستلقية كدا وفي راسك الأفكار عمالة تتدفق بانسياب وجمال ملوش مثيل.

كل دا خد من وقتي ومجهودي ومكنش سهل ومكنش سهل برضه اني اكمل أي حاجة من غيرك عشان كدا هسيبلك كل دا وفي يوم من الأيام هتعرفي دا معناه ايه .. ممكن دلوقتي مش تكوني مدركة أوي بس في يوم من الأيام هتعرفي معناه.

 

اصالحك ايه تاني بقى والنبي؟

اجيب لك حتة من السما كدا .. وبالعند فيهم واحد واحد.